Ua ave e le iuni le matagaluega o aoga i le Employment Relations Authority ona o ana vāea o loo fuafua.
E silia ma le 700 galuega ua fai mai le matagaluega o aoga o loo vaavaai e faamuta a o taumafai e faasao mai le faitau miliona e tusa ma faatonuga mai le malo.
Peitai e lē o fiafia iai le iuni, PSA ma ua faila ai lana talosaga ananafi i le pulega tutoatasi e iloiloina galuega ma le manaoga ia vave ona iloilo.
O le finau a le iuni, ua soli e le matagaluega maliega na faia ma tagata galulue, ma e lē māmā i le iuni le tala ua sau.
E leai se tali mai le matagaluega o aoga, na ona fai mai ananafi ua i luma o le Employment Relations Authority.
O maliega o loo faavae ai le finau a le iuni o loo aiaia ai e tatau ona taumafai itu e lua e aofia ai le iuni ma le matagaluega e saili muamua se maliega faatoa fofoga lea i faauluuluga o le matagaluega, peitai e lei faia e sui o le matagaluega lea vaega.
Puna o Faamatalaga: Union takes ministry to employment authority over job losses (1news.co.nz)
