E pei o le faiga o pologa le faiga o tagata o loo galulue i lalo o galuega faavaitaimi.
O le tala mai lea mai le komisi o aiātatau a tagata soifua ma i iloiloga na faia e le tasi, pe na o se vaega ae ua pei o se mea tuufaasolo.
O saunoaga nei a le komesina ia Saunoamaalii Karanina Sumeo i tala a le Stuff, ma o faataitaiga e aofia ai le fosi e alu e faigaluega e ui o loo gasegase.
O le isi itu o le tele o mea e mananao ai e le mafai ona iai se saolotoga.
O Saunoamaalii o ia lea na taitaia le iloiloga ma o i na maua ai le tele o itu ua soli ai aiātatau a tagata soifua, ma o nisi o itu ua toe lalaga mai e lea iloiloga o lea na maua foi e le ripoti a le International Labour Organisation i le masina o Iuni.
O lenei iloiloga na mafua mai i faitioga a se tasi o tagata faigaluega lea na tale toto mai ae tuu atu iai le panadol ma faaauau pea ona galue.
O se suesuega ua faailoa mai i le taeao nei, ma mai le minisita o le Immigration Michael Wood o le a fesoasoani i le iloiloga a le malo o loo faia nei foi.
Mai le komesina o le tele o itu o loo saisaitia ai tagata galulue faavaitaimi na ia vaai tino lava iai i taimi o asiasiga, ma ua molimau foi Saunoamaalii mai sui o le malo na ia faatalanoaina e le o mafai ona manino le nunumi i le eseesega o aiātatau a le tagata soifua ma aiātatau a tagata o loo sitiseni ma nofomau i Niu Sila.
