E ui sa vaaia se faaitiitiga i le tau o le penisini ma le suauu i nai vaiaso ua tuanai atu peitai ua faailoa i se tasi lipoti i le asō e ono oo atu i le 40 sene i le lita le siitaga o le a iai i le agai atu i le lumanai.
Ua lapatai mai le AA i le lipoti lea ma i le 90 aso talu ai sa maitauina le faaitiitia i le tau o le penisini 91 ma le kiso foi lea sa faamauina ai i Aukilani le penisini 91 i le $2.54 i le lita ia Tesema, Ueligitone na faaitiitia mai i le $2.43 sene i le lita ma Kalaiesetete i le $2.38.
O le vaiaso talu ai na faailoa ai e le mnisita o tupe o Grant Robertson e leai se tulaga vave e mafai ona suia ai le tau o le soifuaga ua iai i le taimi nei ae o nai tulaga e mafai ona fesoasoani ai e faamāmā avega i le atunuu e pei ona faia i le tau o le penisini, o nisi ia o tulaga o loo silasila iai e maua ai se isi toomaga.
Peitai la ua faailoa e le AA i le asō e masalo e oo atu ia Aperila ua oo atu i le 40 sene e faaopoopo i le tau o le lita o le penisini.
