Ua alu ese atu le afā o Hale peitai e le gata o galuega faamama ao le atili taugata ai o fualaau aina.
O Northland, Bay of Plenty, Coromandel, Gisborne, Hawkes Bay ma Wairarapa lea na iloga ona matuai tigaina talu mai le Aso Gafua ona o Hale.
O lea na fautuaina e le Civil Defence le au failafumanu i nofoaga nei na iloga ona faaleagaina e ave lafu i nofoaga maualuluga e malu ai.
Peitai, mo le aufaifaatoaga e lei tele se avanoa e faasao mai ai togalaau’aina mai le malolosi o lologa.
Ua fai mai ai ma le peresetene o le Federated Farmers e le fesiligia le tele o fualaau’aina ua faaleagaina ma o le a aafia ai ma le sapalai.
O ni aafiaga ua sau ai ma le lapataiga e ono tuu i luga le tau ona o le utiuti o le sapalai i le maketi.
