E ono faatulaga Taaloga a Malo o le Taupulega i le 2026 i Meleisia ina ua faailoa e le Olympic Council a lea atunuu ua iai le ofo e 200 miliona e fesoasoani ai i le taligamalo i lea faamoemoe.
O taaloga sa tatau ona toe talimalo ai Ausetalia i le tausaga lea peitai na toe aveese mai le ofo a Vitoria i le tausaga talu ai ona o le tau o le faagaioia o lea fuafuaga ma leai ai loa se host mo le 2026.
Ta’ua i le lipoti a le One News i le asō ua ofoina e le Commonwealth Games Federation le avanoa lea ia Meleisia e talimalo ai i ia taaloga.
E 380 miliona na toe totogi e Vitoria ina ua toe faamatuu ese le latou ofo ma o latou faailoa ai o le tau e faatupe ai le taligamalo ua silia i le 7 piliona.
Ua 26 tausaga talu ona mulimuli talimalo Meleisia i Taaloga a Malo o le Taupulega i le 1998.
O loo faatalia la se faamaoniga poo ai tonu o le a talimalo i le 2026 auā o loo sauni foi Meleisia e talimalo i taaloga a atunuu o Asia Saute i Sasae, South East Asia Games i le 2027.
