Ua lapatai mai Iapani e ono le toe taliaina le honey o loo faatau atu a Niu Sila
O le honey faatau atu I atunuu I fafo a Niu Sila o loo sau ai le $490 miliona I le tausaga, ma e latalata I le $68 miliona e sau mai Iapani
Peitai o lea ua faalua ona maua I siaki le glyphosate I totonu o honey o loo auina atu, ma ua faaoo mai ai e le matagaluega o le soifua maloloina a Iapani lana faaiuga I le matagaluega o primary Industries a Niu Sila, e oo loa I le 5% o honey faatau atu e pasia le glyphosate faatapulaa, o lona uiga o le a taofi loa e le toe talia e Iapani le honey a Niu Sila
Ae ua tali Andrew Pearson o le Primary Industries I Niu Sila, o lea lava o loo faia siaki o glyphosate ae e le I auina atu honey I Iapani, ma e le o mafai foi ona soona tuuina atu pepa faamaonia e aloaia ai le pasia o lea oloa pe a le faia siaki
E ui o le glyphosate e le o iai sona aafiaga e ono faapopoleina ai I le itu tau soifua maloloina e tusa ma faamaoniga mai ia Pearson, ae ua saunoa le sooupu o le asosi a le Unique Manuka Factor Honey, John Rawcliff I tala a le newshub, o le popolega o le tauleaga o le honey
Ua faamaonia foi e le pule sili o le Apiculture a Niu Sila, Karin Kos o lea ua maea faailoa foi I le au faipisinisi honey tulafono fou atoa ai ma le siaki o glyphosate
O Iapani e leai se isi atunuu I le taimi nei e tutusa ma ana taiala o loo limataitaiina ai le maketiina o honey faatau atu
