Ua sau le lapataiga mai le Auckland Regional Public Health Service i le ono pepesi o le leptospirosis lea e ono fesootai ma uiga louloua o le tau sa iai nei.
I se pepa o faamatalaga mai le pulega i le Aso Gafua o le vaiaso nei o loo ta’ua ai le faaopoopo o le fuainumera o tagata ua maua i le faamai faamauina i totonu o le lua vaiaso ua alu.
O le leptospirosis o ona auga e aofia ai le manava tatā, mu mata, tiga le oga, faafaufau, tale, ulu tiga ma le fiva.
O se siama e tele ina fepasia’i e meaola, palapala faapea le suavai.
O le feau mai le pulega ua tuuina atu nei i falemai i tua, ia faia siaki o gasegase o loo nonofo i nuu i tua poo i latou na aafia i lologa.
I molimau a nisi o fomai i lipoti a le 1News, e le tatau ona manatu māmā iai ma e ono vave le pepesi ona o le tele o le siama e mafua mai i otaota to’a ona o lologa sa iai.
