O se kulupu o tagata na malaga mai i le atunuu lea na fesoasoani i suesuega i ni faiga taufaasese i tulaga tau femalagaaiga, immigration fraud e ono faamalosia le aveesea ma le atunuu e pei ona taua i se lipoti a le One News i le asō.
Fai mai o le kulupu o ni tagata Saina pe a ma le 50 tagata faigaluega i galuega faufale lea fai mai le latou mau o se kamupani e faafaigaluega ai tagata i Niu Sila sa faaseseina i latou e faatatau i o latou totogi ma aia faigaluega.
O le tausaga na tea nei e pei ona taua i le lipoti lea sa tuuina ai se poloaiga e pue ai Li Wenshan poo Peter Li e pei ona iloa ai foi ae na sola ese ma Niu Sila a o lei faiai ni moliaga sei vagana nisi e iai ni sootaga ia Li o le a tutulai i le faamasinoga ia Tesema.
O molimau la a le kulupu lea ua taua ai ia faamatalaga ma molimau ai i le faamasinoga ae ua faailoa iai e le immigration e ono aveesea mai i latou ma le atunuu i totonu o le masina pe a uma le faamasinoga.
Ae manatu le sooupu o le Green Party Recardo March e tatau ona fesoasoani le minisita o femalagaaiga i le mataupu lea ma tuuina se fesoasoani mo i latou ua aofia ona e foliga o le latou molimau moni i le mea na tupu o le a iu ai ina aveesea mai ma Niu Sila.
