Ua iai le popolega i pulega o iunivesite ma aoga maualuluga i le ofi mai o le ChatGPT.
O lenei faaopoopoga fou tau tekonolosi ua maua e suesuega i Amerika le toatele o le au papasi i suega o loo faia e maua ai laisene faafomai.
Peitai, e ono sao ai ma le kopi.
O se polokalame e lei atoa se tolu masina talu ona faalauiloa ma e mafai ona tusia soo se ituaiga tusitusiga e oo lava i meaaoga poo assessments i iunivesite.
I se faamatalaga mai le Iunivesite o Otago, o lea ua galulue la latou pulega ma isi iunivesite i Ausetalia ma Kanata i se faiga e faatatau i le ChatGPT.
O le itu o loo ave iai le faamamafa o iloiloga a iunivesite i Niu Sila, o le avanoa e mafai ai ona maua o talaotooto e faaaoga ai mafaufauga o isi tagata poo le plagiarism.
A o finau mai ai nisi i itu lelei e fesoasoani mo aoaoga a fanau, o le fesili tele a iunivesite i Niu Sila, o le ā le aloaia o faailoga tusipasi a fanau aoga pe afai ae faalagolago i le faiga fou lenei?
