E silia ma le 30 lole methamphetamine e le’i mafai ona maua talu mai lava ona su’esu’e.
Ua silia ma le 5 masina talu ona maua le ulua’i lole lea na alu i tua i pusa mea’ai a le Auckland City Mission.
O se faamaoniga mai leoleo, o lole e 27 mai pusa meaai e 61, pau ia o lole na mafai ona maua, ma e oo mai foi i le asō e le’i maua lava lē na faia.
Talu mai foi le faai’uga o Aokuso o le tausaga talu ai, o lea lava e le’i toe maua mai ni lipoti mai tagata lautele e tusa ma le aafia ai.
Ae i tagata aafia, ua faamaonia e 15 tagata na taumafaina le lole, ma e to’a 6 lea na lipotia na aafia ai ma o le to’atolu o i latou nei o lea na ave ai i le falema’i, e ui e le’i taofia.
Mai su’esu’ega na faia o loo iai le talitonuga o leoleo o lole nei e foliga mai o lea na faaui mai iinei, mulimuli ai tufatufa i food parcels a le City Mission ma le lē iloa a mea loo iai fuālaau faasāina i totonu.
Puna o Faamatalaga: More than 30 meth lollies never recovered, no arrests made | RNZ News
