E lei taliaina lelei e nisi sa iai i le maketi i Otara i Aukilani i le faaiuga o le vaiaso le oo atu o le Palemia Chris Hipkins.
I le Aso Toonai a o faasolo faatosina o le palota a le Labour na asia ai e le Palemia Otara, ma o lea foi sa iai le faamoemoega e faalauiloa ai faatosina a le Palemia e faapitoa mo tagata Maori ma Pasefika peitai e le o tulaga lea na oo iai.
Na leo tetele ma malosi le taumafai ane o tagata e lagolagina le Freedoms NZ e le toe iai se Labour, ma o le Freedoms NZ o le pati lenei na amataina e Brian Tamaki i le tausaga talu ai.
O le filī maketi lenei i Otara e agai iai le toatele i Saute o Aukilani i taeao o Aso Toonai taitasi e le gata mo le faatauina o meataumafa ae faapea ai meataulima ma le tele lava o oloa.
Na leotetele atu le taualaga a tagata o le Freedoms NZ e le toe iai se Labour na i lo sui lagolago o le Labour na iai i lea aso.
E leai se vevesi na tulai mai ai i lea aso ma o lea foi na iai leoleo.
O lea toe 55 aso taunuu le faigāpalota tele a Niu Sila.
