E ulufale atu le faigāmalo fou a le patī faaupufai o le Faatuatua i le Atua Samoa ua Tasi, ua taoto mai le lipoti o le su’esu’ega faasu’etusi poo le forensic audit report sa sa’ili’ili ai nisi o atina’e a le malo ua tuana’i pe sa faapefea ona faagaioi.
Peita’i ua faailoa e le afioga i le Palemia, e le’i taunuu i le o’oo’oga o lea su’esu’ega.
Le afioga i le Palemia susuga Laaulialemalietoa Leuatea Polataivao Fosi Schmidt.
E pei ona silafia e le atunuu o le faigāmalo muamua a le Faatuatua i le Atua Samoa ua Tasi i le mae’a o le palota tele o le tausaga e 2021 na amata faataoto ai le fuafuaga mo le faia o lea su’esu’ega tau su’etus.
Ma e tapena le palota tele faafuase’i ia Aokuso o le tausaga nei, ua tauaao e le Kapeneta o le malo tausi lea lipoti, ma e mae’a le palota tele ma tula’i mai suiga i pulega o le malo e le’i faia se finagalo i lea lipoti faasu’etusi o le a tuuina atu i le Palemene i se taimi o le paea’iga lona 18 ua iai nei a le Palemene.
