Ua leva na tatau ona faia se gaioiga vave a le Reserve Bank i le inflation a o lei oo i le mea ua iai nei.

A o alualu pea i luga le taugata o le soifuaga ma atili sau ai i lalo le malosiaga o le tala Niu Sila, ua sau i le ripoti e iai sasi o le faletupe ma itu ua moomia ona faaleleia.

E 110 laupepa le umi o le ripoti o loo lomia ai le iuga o suesuega na faia ma ua sau ai sa tatau ona vave sii Official Cash Rate poo le OCR e taofiofi ai le inflation i le 2021.

O le polokalame na oo iai le ripoti o le lolomi lea o tupe faaopoopo.

A toe tepa ia Me o le tausaga talu ai, o lea na valoia e le Reserve Bank e i lalo mai o le 2% ae e lei uma le 2023 le maualuga o le inflation, peitai o lea ua saofai i le 7.2%.

Ua toe tautino ai le faletupe sa tatau lava ona taofiofi ma lelei lana faasoa i le pulea o tupe o loo faataamilo i totonu o le tamaoaiga o Niu Sila.

E 9 itu e moomia le faaleleia ua aumai e le ripoti, ma o le Reserve Bank foi lea na tele ina faitioina e itu agai faapea ai le toatele o tagata e iai tomai faapitoa i le maketi ma le tamaoaiga.