E lei iloga lelei lava ona saogalemu Aukilani mai palapala solo.
E latalata i le itula e 9 anapo na sau ai lipoti mai le Auckland Transport ua tapunia se tasi o auala i Orakei i le agai i Matu i le va o Tamaki Drive ma Paritai Drive, faapea le alu i Saute i le Tamaki Drive ma Ngaiwi St.
I se lipoti mai le ofisa o le vaaitau anapo o lea na toe lapataia itu i Sasae o Aukilani mo timuga mamafa, e ese ai lapataiga o palapala solo.
Ae i se lipoti lata mai o auala faaleagaina ma auala ua toe tatala mai le Auckland Transport e tusa ma le 400 lana aufaigaluega o loo galulue i le toe faaleleia o auala, ma talu mai le Aso Toonai o le vaiaso talu ai e 60 auala lea ua toe tatala ae o loo tapunia pea le 32.
A o loma ai lenei long weekend, o loo fautuaina tagata feoai e siaki muamua lipoti o loo tuuina mai e le Auckland Transport e iloa ai auala o loo tatala faapea auala tapuni.
