O le faaiuga o le vaiaso o le a faia ai suiga i le faalauiloaina o faigamalaga a pasi a Aukilani o loo tele ina le oo malaga.

E amata atu i le Aso Sa asau ona le toe faalauiloaina i luga o le AT Journey Planner poo fale faatali pasi foi malaga a pasi o loo tele ina le faataunuuina.

O le taofia le tumau ai o le a aafia ai le tusa ma le 821 nuu i soo se vaega o Aukilani, ma i se faamatalaga mai le Auckland Transport, o se suiga o le a saga faamautinoa ai faigamalaga ma fuafuaga a tagata feoai.

O lea o loo tumau pea le 12,000 faigamalaga a pasi i totonu o le aso a Aukilani ma ua faamautinoa mai ai foi e le pulega o loo galulue nei ma le malo e saili se fofo o le toagaogao o avepasi.

Ua sau ai foi ma le faamanatu e siaki muamua faigamalaga a pasi ina ia iloa ai le taunuu poo le le faataunuuina foi.