O loo iai le manaoga o le malo ia aua ne’i faitaulia li’o ua ta’ua o trusts e maualalalo tupe maua mai le siitaga o le a faga ai i luga lafoga totogi lea e amata aloaia mai le aso muamua o Aperila.
O le tausaga talu ai na fai mai ai le faigamalo sa iai a le Labour o le sii i le 39% le pasene o lafoga totogi e trusts amata mai le tausaga faaletupe 2024 – 2025.
I lalo o le faigamalo fou ua iai nei, o lea o loo manao e toe faia iai teuteuga e faatumauina ai pea trusts e i lalo mai o le $10,000 tupe maua i le tausaga i le pasene e 33%, ae o isi uma e sili atu e tuu iai le 39% lafoga totogi mai tupe maua.
I fuainumera faatusatusa o loo iai e tusa ma le 76,000 trusts o lea o loo totogi lafoga, ma e tusa ma le 49,000 o le a maua i le 39% e totogi mo lafoga ae o le 27,000 i le 33%.
A o vaavaai iai le malo i lea teuteuga, ua iai foi le popolega ina ne’i taumafai foi ma nisi e faatutu trusts e tele ma vaevae iai le $10,000 ma fai ma alofaga e lē maua ai i le 39%.
