Ua faailoa e le Faiaoga Ulu a le Olo Peleki ia Ian Foster e iai lona talitonuga o le a le toe iai i le galuega faiaoga mo le aulakapi pe a mae’a le Ipu o le Lalolagi.
I lipoti a le Newstalk ZB i le vaiaso nei na faailoa ai e Foster e atagia mai ua iai se manaoga mo se suiga “mood for change” i le Lakapi i Niu Sila.
Na ia ta’ua e telē lona masalosaloga o le a lē iai i le galuega i le tausaga fou ma o loo fesiligia pea o ia pe e toe apalai i le tofiga.
Na ta’ua e Foster o le fesili tele mo ia poo le ā se mea lelei mo le Olo Peleki i le 2023.
Na ia faailoa foi e le o iai se fuafuaga e toe apalai ai i le avanoa pe a mae’a le Ipu o le Lalolagi i le tausaga nei lea e fuafua e faia i Falani.
E ui i lea o loo iai le manatu a Foster e na te mafaia ona ave le Olo Peleki i se tulaga maualuga i le Ipu o le Lalolagi o loo loma nei.
