E le o lava faamaumauga e iloa ai pe sa aogā le vaaia o fomai faaleaiga e aunoa ma se totogi e fesoasoani ai i le tau faaitiitia o le mamafa o galuega a Emergency Departments (Eds).
E $1.2 miliona lea na alu e faatupe ai le totogiina o siaki sa faia fua e fomai faaleaiga i faaiuga o vaiaso e pei ona faia ai i le masina o Iuni, o le suiga lenei na faia ina ua mae’a ona sau lipoti i le umi ona faatali o le taimi e vaai ai se fomai i le falemai i Middlemore i Aukilani.
E na o le 42 falemai laiti na mafai ona faaaoga i lea taimi, ma e ui sa iai se faatalosaga peitai e lei faamalieina nisi o aiaiga.
O le le mafai ona tauaofai uma i lea suesuega o itu e aoga ai, o loo malamalama le fomai Aukilani i Saute o ia foi o le faatonu o le Pasifika GP Network, Dr Api Talemaitoga, pei ona ia faailoa ai o se polokalame na faia lava faavavevave i lea taimi ma e lei tele ina iloa.
Ae mai le minisita o le soifua maloloina, Andrew Little, e ui e le o mafai ona iloa i faamaumauga e pei ona sau ai i lea lipoti, ae o lea sa moomia ma na tuuitiitia ai foi ma tagata e sulu atu i Eds.
