O le taeao nei e faia ai le fonotaga na talo faavavevave mo le faitau selau o tagata galulue i fale fasimanu i Canterbury.
O le ta o le 11 i le taeao nei lea ua valaau mai le Alliance Group Smithfield i Timaru e faia ai le fonotaga, ma e lē o faamautinoa mai e le kamupani poo le ā le mafuaaga o lea fono ua talo faavavevave.
Ae i le mafaufau o le toatele o tagata galulue, pau le fesili, pe faamata o maua pea ni galuega.
Faamaonia e le pulenuu o Timaru Nigel Bowen e silia ma le 600 tagata faigaluega i le fale fasimanu lenei i taimi pisi, ma o lea lava na iai tala sau tua i le vaavaai e tapuni.
E lei faigofie i le kamupani ana tala o le tupe e pei ona ripotia ai lana gau e $70 miliona i le tausaga na faai’uina ia Setema o le 2023, ma i le vaai mamao e moomia le oo atu i le $150 miliona e faatupe ai le auaunaga mo le isi 2 i le 3 tausaga o i luma.
Ua lipotia e le leitio faavaomalo a Niu Sila, e oo lava foi i le Pule Sili o le kamupani e lē o mafai ona ia faailoa mai poo le ā le mafuaaga o le talo o le fono faavavevave i le taeao nei.
Puna o Faamatalaga: Concern for workers as Alliance Group calls surprise meeting at Timaru meatworks | RNZ News
