Ua leai mai le malo i le toe totogiina mai o nisi cost of living payment ae o loo toe vaavaai i le fesoasoani o loo tuuina mai mo le tau o le suauu.
O peimeni nei na totogi auaua’i mai e le malo e fesoasoani i le taugata o le tau o le soifuaga, ma i saunoaga a le sui palemia Grant Robertson ananafi na ia faamautinoa ai e le o iai i le lisi a le malo le totogiina mai o lea fesoasoani.
Peitai, o lana fesoasoani o loo iai nei e faamāmā ai i le tau o le suauu pau lea o le itu e le o toe mamao faailoa mai e ui o loo sau ai ma le faamanatu e le o se fesoasoani o le a faifai ai pea i le lumanai.
O Mati lea na amata fesoasoani mai ai le malo i le aveesea o le 25 sene i le lita mai le tau o le suauu, ma sei oo mai ia Iulai toe faaopoopo seia oo mai i le taimi nei ma o le masina fou lea o loo taoto e faamae’a ai.
A o tālia ai la se tala mautinoa a le malo, ae mai le sui palemia e maua le tonu a o lei ta le Kerisimasi.
