Ua lē fiafia tausi soifua poo nurses o loo galulue i falemai laiti i le misi o latou mai le siitaga o totogi na faailoa mai ananafi.
O lea ua faailoa e le malo le $200 miliona i le tausaga o le a ofoina mai mo le siitaga o totogi o i latou o loo galulue i fale o tagata matutua, faalapotopotoga a Maori ma Pasefika, hospice faapea homecare support.
Peitai, e ui o loo faatalosaga e fomai tausi soifua le sii o o latou totogi, ae e le o iai o latou igoa i lalo o le siitaga lenei.
Saunoa le faatonu o le General Practice Owners Association, o se faanoanoaga tele le faasalalauga ua sau.
E tusa ma le 20,000 tausi soifua i le komiuniti o le a manuia i le siitaga ma o loo matuai fiafia ai le Aged Care Association.
