E lē logomalie faamatalaga o lea e toe fafaga ai puaa i meaai e totoe mai le poloketi o loo maua fua ai lunch a fanau aoga.
O se mataupu ua toe laga i le mae’a sau i tua o faamaumauga tau i le paketi o lea e tusa ma le 10,000 lunches o loo ma’umau i totonu o le aso e tasi, e tusa lea o loo ma’umau ai le $25 miliona.
E ui i talitonuga ma lipoti e aofia ai le lipoti a le matagaluega o tupe, e le o suia le taofi o le minisita o aoga Jan Tinetti o se polokalame o loo ave iai lana lagolagosua atoatoa.
O le tele o meaai totoe ma lipoti ua toe sau i tua, ua fai mai ai ma le taitai o le ACT David Seymour o lea e ma’umau tupe a tagata totogi lafoga e fafaga ai puaa.
E faanoanoa le minisita o aoga i le saunoaga a Seymour.
Ae i suesuega a le matagaluega o aoga, o le 61% o meaai totoe o loo toe o fanau aoga ma ave i aiga, ae o le isi 21% o loo toe tufa i le komiuniti.
