Ua malilie councillors o le itumalo o Gore e faia se suesuega faasaga i le va o le pulenuu fou ma le pule sili.
O le pulenuu fou o Gore faatoa tulai mai i le tofiga Ben Bell o ia foi o le pulenuu aupito i laititi i totonu o Niu Sila e faapea e lē lelei lona va ma le pule sili ia Stephen Parry ma na iloa ina ua toe liki faamatalaga o le fonotaga sa fai.
O le itumalo foi lenei ua fai faapitoa lava le sooupu i le va o taitai e toalua ona e lē fetalanoaa’i.
O le lelei lava foi lea ua toe sau ai lipoti ua faamavae se tasi o councillor i le amataga o le masina.
Ua māua e tala fou talu mai lava faigapalota faaitumalo na faia i le masina o Oketopa o le tausaga talu ai, e lei toe iai lava se filemu i le va o taitai nei ma seia oo mai ai i le po anapo na pasia ai loa e le laulau a fono a le council le tatau ona faia o se iloiloga tutoatasi e iloilo ai le va o loo iai nei, aemaise o le taumafai ia taofiofi le talitonuga o tagata lautele i taitaiga a le council.
O ni suesuega e ono faitau masina e faatali ai se tali.
