E le fetaui se aufaigaluega e 200, ae 50 pule ese ai isi pule o loo i totonu o le pulega aoao poo le Executive Leadership Team.
O le faamatalaina lea o pulega a le Eke Panuku ina ua fofola mai totogi o le pulega faapea ai ma le faatulagana o pule ma le aufaigaluega.
O le Eke Panuku o loo i lalo o faamalumaluga a le Auckland Council ma e faapea e 50 middle managers ma o loo totogi i le tusa ma le $143,000 i le tausaga.
O nei totogi e le ta’ua ai isi pule maualuluga atu e toaiva lea e totogi i le silia ma le $200,000 i le tausaga.
O faamaumauga nei ua maua e le Auckland Ratepayers’ Alliance ina ua faatalosaga totogi o le pulega ma o se talosaga ua faia ai a o sau le feau mai le pulenuu fou o Aukilani, Wayne Brown ua tatau ona faamavae mai le Faatonusili Paul Majurey ma le laulau a fono a le Eke Panuku.
Ae i lipoti a le leitio a Niu Sila o loo faatonuina ai e Paul Majurey lana aufaigaluega o suiga e le mai le pulenuu ae mai le Council a Aukilani atoa.
O le manino ai o le aufaigaluega ma le pulega a le Eke Panuku, ua sau ai ma le tali a le Auckland Ratepayers’ Alliance o loo ia lagolagoina le manao o le pulenuu ia Brown.
