E amata i le masina o Iuni o le tausaga nei le faigamalaga a le Polynesian Voyaging Society i sa latou faigamalaga e faasooo atoa ai le Pasefika.
Ua lipotia i le RNZ o le faigamalaga lea o le a asia ai atunuu ma teritori e 36 ma faimalaga ai pe ā ma le 43 afe nautical miles ma pe lata i le 400 le auvaa.
O le vaa o le Hokule’a o le a agai ese mai ma Alaska pe a mae’a se sauniga faapitoa o le a faia e amata ai le faigamalaga ma o le a muai malaga i Yakutat i Alaska ma agai ane ai e fetaui ai ma le isi foi ituaiga vaa o le paopao ua faaigoa o le Hikianali’a i Seattle i le masina o Aokuso ma mai ii o le a faimalaga mai ai loa ia vaa i le Pasefika ma faamae’a i Iapani.
E fā tausaga o le faigamalaga ma ua faailoa e le sosaiete o loo taumafai e toe tapu’e le sootaga ma le laueleele ma i le faaiuga e faaautu lava i le aiga, le aiga o le laueleele.
Ua fuafua o le masina o Tesema 2024 e agai ia Me 2025 ua taunuu le faigamalaga i Niu Sila.
