Ua sau le tala mautinoa mai le iunivesite o Massey o le a faagata nisi o mataupu faasaienisi ma o lona uiga o le a vāea ai ma isi o le aufaigaluega.

E $53 miliona le gau lea ua iai i le vaai mamao a le iunivesite e oo iai i le tausaga lenei ma o lea o loo vaavaai pea i itu e faaitiitia ai tupe alu.

O se suiga o le a matuai faaitiitia ai le aufaigaluega o loo i le vaega o mataupu faasaienisi i le nofoaga i Albany, ma o le aso ananafi lea na faamautinoa mai ai loa o le a faataunuuina pea le fuafuaga ua iai ma vāea le silia ma le 60 ma ona tupu o avanoa faigaluega.

Mai le sui o le iuni a le Tertiary Education, o se faanoanoaga tele le tala ua sau.

Ae mo le aufaigaluega o le a vāea, o le aso lava ananafi lea na tuuina atu iai a latou tusi.