Ua maua le siitaga o totogi o avepasi a Aukilani, a o taumafai ai e faaopoopo nisi tagata faigaluega ae faatumau i latou o loo iai.
O le aso ananafi na faailoa mai ai e le Auckland Council o le a siitia i le 8% le maualuga o totogi, o lona uiga o le a sii mai le $23.71 i le $25.62 i le itula.
O se faai’uga a le council ua faia ai a o tele ina lē taunuu faigamalaga a pasi e mafua mai i le maua o avepasi i faama’i o le taumālūlū toe to’agaogao le aufaigaluega lea e faapea e tusa ma le 1,500 faigamalaga a pasi e lē oo i totonu o le aso e tasi.
I se tala mai a le Auckland Transport, o loo mafanafana e toe faia le isi siitaga a o le’i uma le tausaga lea e faapea o le a oo ai i le $27 i le itula.
Ua sau ai ma tala e latalata i le 500 avepasi o loo utiuti ai le aufaigaluega, ma e lē faigofie foi lenei taimi a o saili avepasi mai nisi foi o kamupani Ausetalia iinei.
O lenei siitaga e amata maua mai ia Aokuso, ae faafoi i tua i le aso muamua o Iulai e aloa’ia mai ai lona totogiina.
E $8 miliona le tau atoa o lenei faaopoopoga ma o loo talanoa nei le council ma le NZ Transport Agency mo se isi $8 miliona.
