E 66 tausaga o se tamā ua maliu i le falemai i le mae’a o le sasao ane o se afi i se fale i Brisbane i le faaiuga o le vaiaso.
Fai mai le ABC na laveaiina mai lea tamā e tuaoi e toalua lea na taumafai e laveai ma faavave atu o ia i le falemai peitai na maliu lava i le po anapo.
Ua faailoa e leoleo e lē o iai ni masaloga i le afi peitai o loo faia le suesuega i le mafuaaga.
Sa iai se tamaitai i totonu o le fale i le taimi na mu ai ma e talitonuina o le toalua o lē ua maliu.
Fai mai nisi lipoti na mafai ona agai ese mai le tamaitai lea mai le fale ma nai manu’aga peitai o le tamā lea sa taumafai tuaoi e aveese mai.
O loo faaauau suesuega i le taimi nei i le mafuaaga o le afi.
