E 35 pasi fou e alu i le eletise mo le Eastern Bay ua faailoa mai e le Auckland Transport.
A o iai pea le faamoemoe ia uma ane le 2040 ua faaeletise uma pasi, trains ma vaa feoai i le aai, ae o se tala lata mai lea ua oo nei iai.
O pasi fou e alu i le eletise e 8 o le a feoai lea i le Tamaki Link, lea e tautuaina ai le Tamaki Drive ma sosoo ai Glen Innes ma Britomart, ae o le isi 27 e mo auala i le Eastern Bay.
Saunoa se tasi o councillor, Josephine Bartley i talafou a le TV1, o se fesoasoani tele lea mo le komiuniti i le itu i Sasae a o faia ai galuega faaleleia a le Kiwirail.
O le tau o le pasi e tasi e alu i le eletise e tusa lea ma le $750,000, e toeititi lava faaluaina le tau o le pasi e alu i le tiso peitai e 59 sene i le kilomita e taugofie atu ai.
