E 170 avanoa faigaluega a le Sky TV o le a le toe iai, a o vaavaai ai le pulega e tuuitiitia tupe alu.

O le ata lea o le fuafuaga faataoto a le Sky TV ma o le 90 o nei avanoa faigaluega o i latou o loo galulue i le itu o masini a o le isi 80 o le customer care.

O se fuafuaga o le a faasaoina mai ai le faitau miliona o tupe a le Sky, a o fuafua ai o le a agai i atunuu i fafo e faafaigaluega tagata mai Filipaina.

O lenei faaiuga ua faia ina ua mae’a ni faatalanoaga ma ua vaavaai ai o le a faafaigaluega le tusa ma le 200 tagata Filipino i lana call centre.

O Initia foi le isi atunuu o le a faaaoga mai se tasi o ana pisinisi tau tekonolosi.

O nei suiga afai ae taunuu uma o le a tele miliona e selesele e le Sky i totonu o le na o le lua tausaga.

O ni fuafuaga foi na fefaasoaa’i ai ma lana aufaigaluega i le aso ananafi.