Ua faasā nei mo se taimi lē tumau e le atunuu o Denmark le toe faaaogāina o lana airspace e drones e lē faatagaina a o sauni ai e talimalo i le fonotaga tele a le Iuni a Europa i matāupu e faatatau i le puipuiga ma le taua i Ukraine.
O le sā lea e pei ona faailoa e le CNN amata i le aso ananafi se’ia oo i le Aso Faraile ua faatatau ia aveesea ai ni lamatiaga o ni drones ese mai e ono faailo sese o ni drones o loo faatagaina ona feoa’i i luga ane o le atunuu.
O le faamatalaga lea a le minisita o fela’ua’iga a Denmark, Thomas Danielson.
Ua fai si tele o drones ua vaaia i luga ane o malaevaalele ma nofoaga tau militeli a Denmark e pei ona lipotia mai i le vaiaso talu ai ma i’u ina tapunia faamalosia ai ma isi malaevaalele.
O le Aso Lulu e amata gasolo atu ai le fonotaga e pei ona ta’ua ae o loo tau sa’ili pea e le malo o Denmark poo ai tonu o loo faatonutonu atua drones o loo fai lava ma vaaia i o latou vaipanoa.
Puna o Faamatalaga: https://edition.cnn.com/2025/09/29/europe/denmark-civil-drone-flight-ban-eu-summit-intl-hnk
