Ua toe valaau ane e Colombia lona amepasa i le malo tele o Amerika ina ia toe faia feutana’iga, o le faamatalaga lea mai le ofisa o Colombia i Uosigitone.
O le gaioiga aupito lata mai lea i le matāupu e faatatau i fualaau faasāina ma osofa’iga a Amerika i vaa e talitonuina o loo faaaogā e feavea’i atu ai uta o fualaau faasāina i lea faaitu.
O le amepasa la o Colombia i Amerika o Daniel Garcia Pena ua toe valaau ane ina ia faia feutana’iga i Bogota ma le Peresetene o Colombia o Gustavo Petro Urrego ma ua ta’ua e le Minisita o le faalua ai lea o taimi ua valaau ane ai le amepasa i Uosigitone mo talanoaga i le tausaga nei lava.
Ua mae’a faamaonia e Trump fuafuaga o le a siitia ai tariffs mo Colombia ma ua faailoa e le CNN ua faifai tetele lava feeseesea’iga i le va o Trump ma Petro i le matāupu i vaa e pei ona ta’ua ma le tuua’ia e Colombia o Amerika i le fasioti tagata.
Puna o Faamatalaga: https://edition.cnn.com/2025/10/20/americas/colombia-ambassador-us-recalled-latam-intl
