E tatau ona faamanino mai e le malo taiala ua taoto e iloa ai poo afea e le toe faaaogaina ai poloaiga o loo faamalosia ai tui o le Koviti

O le finagalo lea o le taitai o le National, Christopher Luxon

Taua e Luxon e matuai tele le lagolago a le National i poloaiga nei e faamalosia ai le tatau ona faia o tui mo galuega e maualuga le lamatia i le faamai, peitai o lea ua faia tui o le booster ma ua amata ai foi ona sau i lalo le taua o le aloaia o nei poloaiga

O se tasi lea o mataupu o loo matuai le lagolagoina e le faitau afe o loo solo tetee i fafo ane o le maota fono i Ueligitone, ma e ui e ono logo malie le finau o Luxon i le au tetee i le mautinoa o le faamuta o le faamalosia o tui, ua faamanino e le taitai e na te le lagolagoina nei solo tetee

I le tali mai ai o le palemia, Jacinda Ardern o lea ua ia faamautinoa o le a vaavaai le malo e aveesea poloaiga o loo faamalosia ai tui o le Koviti pe a oo ina le toe moomia

O le manao o le National ia mautinoa le aso e le toe iai ni poloaiga o loo faamalosia ai le tui puipui