O le tele o sailigi sa faaaogā e logo ai tsunami i Aukilani, o lea o le a lē toe faaaogāina mai le faaiuga o le tausaga.
Mai le uluai aso o Tesema o lea o le a lē toe faaola ma aveesea na sailigi o loo iai nei i Albany, Rodney faapea Waitakere.
Na saunoa le sui o le Auckland Emergency Management i tala a le Newshub, e lē o toe telē se aogā o sailigi nei pe a faatusa i le system fou lea e faaaogā ai telefoni feaveai, ona o le tele o sailigi a lē gaoia e faaleagaina.
O se fuafuaga e aofia ai na o sailigi tuai i Aukilani, ma e lē o aofia ai sailigi i Orewa lea faatoa faapipii i le 2020.
O le aveesea o sailigi tuai nei i Aukilani, na muai pasia e le Civil Defence ma le Emergency Management Committee i le masina o Setema.
