O le tamaitai sa molia i le fasiotia o tamaiti e toalua lea na maua o la tino maliliu i atopau, ua aveesea nei le poloaiga a le faamasinoga sa faasā ai le faailoaina o lona igoa.
O Hakyung Lee le igoa o le tamaitai lea o ia foi o le tina o tamaiti ma o loo ia teena ona moliaga e lua o le fasioti tagata.
O le aso ananafi ua lē talia ai e le faamasinoga o Apili lana talosaga mo le toe faasāina pea ona faailoa lona igoa.
I le tuuina mai o le faaiuga sa faailoa ane e le faamasino o Justice Cull.
O tino maliliu o lana fanau e toalua na maua i atopau i le tausaga na tea nei ia Aokuso ina ua faatau e se aiga ni aitema mai se storage i Papatoetoe i se faatautu’i sa faia i luga o upega tafailagi.
