O se tala fiafia mo tagata Pasefika i totonu o Aotearoa nei, o le avea ai o le ali’i o Mils Mulia’ina ma uluai tagata pasefika ma faatonu mo le Faalapotopotoga o Pisinisi i Aukilani- le Auckland Business Chamber. O se mitamitaga foi lea i le avea ai o se tagata Samoa e umia lea tofiga.
Ao se tala faagaeetia ma avea ai ma tala faasolopito o le maua ai e sē ua iloga i taaloga o le lakapi i le ‘au a le All Blacks lea faaeaea.
Faamauina i le mae’a ai ona avea o se tagata taalo faapolofesa i le lakapi i le tausaga 2011, o lea na agai ai loa lea alo o Samoa e faaauau ana taumafaiga i le matātā tau faaapisinisi, ma o lea na avea ai o ia ma se faufautua i mataupu tau i mokesi ma galuega tau i fale poo le vaega ua ta’ua i le gagana Peretania (mortgage adviser and property investor)
Faaalia o le maua ai e le ali’i o lenei tofiga maualuga, o se matati’a tāua, ao se pine faamau foi lea i le iai o tagata pasefika e avea ta’ita’i i vaega tau pisinisi.
Faailo e Mils Mulia’ina lona fifiaga tele mo le avanoa, aemaise, o lona nanautaiga o le mafai lea ona maua le avanoa o tagata pasefika e fai so latou leo ma faaali manatu i totonu o fono a le laulauafono (board); talu ai o tagata Pasefika o loo telē lo latou sao i le tamaoaiga a le atunuu. E pei ona ia faaalia pe lata lava i le $8 piliona e fesoasaoni atu ai tagatanuu pasefika ia Niu Sila.
O Mils Mulia’ina o se alo o Samoa, na fanau i le atunuu, ae na soifua mai i Niu Sila nei.
Faamauina i lana galue ai i lea matātā faapisinisi, e lata i le 300 aiga pasefika e na te fesoasoani iai i mataupu tau le puleaina o a latou lava fale (home ownership) tauala atu lea i lana polokalame ua ta’ua o le My Fale Programme.
Puna o Faamatalaga: https://www.rnz.co.nz/international/pacific-news/575173/mils-muliaina-joins-auckland-business-chamber-as-first-pasifika-director
