O se matāti’a fou lenei i le talafaasolopito o le taaloga o le lakapi, le filifilia ai o se tama’ita’i e na te faafoea le taaloga faitaulia a le ‘au malosi a le All Blacks ma le ‘au a Wales e pei ona loma nei; e pei ona filifilia ai le tama’ita’i o Hollie Davidson
O Hollie, o se tasi ua faamauina le mata’ina o ana taumafaiga i le faafoega o taaloga, e pei foi ona maua ai ana sauniuniga ma tapenapenaga mo le su’ega siamupini i le Ipu a le Lalolagi i le Lakapi a tama’ita’i (Women’s Rugby World Cup final).
E 33 tausaga o Hollie o se tagata Sikotilani, ma o se matāti’a o le a molimauina ai le alualu i luma o taumafaiga a tama’ita’i laufalī i lea fā’agatama.
Ua faamauina na faatautaia e lea tama’ita’i le su’egāsiamupini o le taaloga a le Black Ferns ma Egelani i le tausaga 2021 i Eden Park.
O se tasi o sui na faaigoaina ma amana’ia e avea ma laufalī o le tausaga a le Iuni Lakapi o le Lalolagi.
Puna o Faamatalaga: https://www.nzherald.co.nz/sport/rugby/all-blacks/all-blacks-v-wales-hollie-davidson-to-become-first-female-referee-for-all-blacks-test/
