Ua avea nei Ausetalia ma sui o le Climate Club e lagolago iai le kulupu ua faaigoaina o le Group of Seven, o atunuu e tetele tamaoaiga ma fai sa latou gaioiga i le mataupu lea i le tala o le tau e pei ona folafola e le Palemia o Ausetalia, Anthony Albanese,
O lea kalapu sa muai fuafuaina e William Nordhaus sa manumalo i le Nobel Prize, e avea ma auala e maua ai e atunuu le avanoa e ofo ane ai e faatulaga ni faamoemoega maualuluga mo le faaitiitia o suiga o le tau ma unaia ai foi a latou paaga tau fefaatauaiga ina ia mulimulitai i ia faiga.
Faailoa la e le Palemia o Ausetalia ua fiafia lava e auai i lea kalapu ona e le gata o le mea sa’o lea e ao ona faia mo le siosiomaga, tamaoaiga aemaise foi i le itu o galuega.
O Mati na pasia ai i le Palemene a Ausetalia se tulafono e manaomia ai kamupani e faaitiitia kasa oona e faaalu i le siosiomaga a leai ona totogi lea o carbon credits.
O isi sui o le kalapu lea e aofia ai Argentina, Chile, Denmark, Indonesia, Colombia, Luxemburg, Netherlands, Switzerland, Singapore ma Uruguay.
