Ua molia nei le NZ police i le masalomia ai o le soli o nisi o tulafono tau i le soifua mālōlōina ma le saogalemu (breach health and safety law) talu ona uma le ola o le sui o se kegi i Niu Sila ia Taranaki Fuimaono i le tausaga na te’a nei.
O le alii o Taranaki poo Ardie ua iloa ai e le toatele sa faanatinati atu e lona aiga i le falema’i i Aukilani i le aso 11 o Iuni 2021 ona o tigā o le tino i lona manava, mulimuli ane maua e se tasi o foma’i na tiute se pepa o loo iai le fualaau faasāina o le aisa i le ofuvae o lea alii.
O le aso na sosoo ai na te’a ai Taranaki ma le falema’i ona taofia loa lea e leoleo ona o aisa sa maua ia te ia. I itula e 43 mulimuli ane na lipotia ai loa taumafaiga e tau faamānava lea alii i le sela na taofia ai i le ofisa o leoleo peitai e le’i manuia. Na maliu Taranaki i le falema’i i se taimi mulimuli ane.
Na faia su’esu’ega a leoleo, o le matagaluega o le soifua mālōlōina faapea le WorkSafe Niu Sila i lea mataupu ma ua faailoa e lipoti a le Herald i le Aso Sa ua tuu atu nei moliaga o le NZ Police mai le WorkSafe ona o tulaga faatamala i le soifua mālōlōina o le tagata.
Afai ae faamaonia tuua’iga e tusa ma le 1.5 miliona le sala e tatau ona totogi. E ui i lea ua tuu atu le tali tetee a Leoleo i ia tuua’iga.
Sataoa i Safata
O le a e’e ia i lagitapu ou paia lē popo samoa, auā o sā lava mai le vavau e
