O le Minisita o Aoga o Sarah Mitchell sa agai i le faaitu o Broken Hill i le vaiaso nei e folafola le 20 miliona e faatupe ai le faaleleia o fale mo le aufaigaluega a le matagaluega.
E ui sa fiafia le toatele i lea folafolaga peitai sa faitioina e nisi le minisita ona o le leai o sana fuafuaga e faia se faatalanoaga ma faiaoga e faatalanoa ai mataupu o loo latou laga.
Fai mai le minisita o le fuafuaga lea mo ia fale e fuafua agai i faiaoga fou o le a agai atu mo ia auaunaga aua ua suegata tele fale i lenei vaitau.
Peitai fai mai le NSW Teachers Federation e lelei pe a aua le toe agai atu le minisita i Broken Bay sei vagana ua foia le faafitauli e faatatau i le aufaigaluega ma aoga i Broken Bay.
