Ua ave nei e le Komisi o Pisinisi le HelloFresh i le tulafono ona o le faiga o ana subscriptions lea e faapea e taufaasese ma aafia ai ana paaga.
Ta’ua i nei tuuaiga e faapea, o lea e taumafai lava e HelloFresh ia tuma le saini o tagata ia faaauaupea ona maua faatauga o pusa meaai.
O le popolega o le Komisi o Pisinisi o le faaauau ai pea o le saini o tagata i lea polokalame a le kamupani e iai le popolega e ono iai le taimi e faafaigata ai ona toe momotu subscriptions o le a toesea pea mai tupe mau tusitupe faapea ai meaai kiliva.
O subscriptions o se faiga ua tele ina faaaoga e pisinisi i nei ona po, ma i suesuega na faia i Ausetalia na maua ai o le tolu kuata o tagata na resitala ai i faiga nei, e le i fiafia mulimuli ane ina ua fiu e taofi ma faaleaogaina lo latou auai ai.
O le toatele foi ua toe molimau e pei o lea na faamalosia i latou ia faaauau pea ona totogi subscriptions.
Ao taatia ai i le tulafono lenei mataupu, ua faatoese le HelloFresh i tagata aafia ma o lea lava foi na vave ona faia iai le faaiuga ina ua suesue e le Komisi o Pisinisi.
Ua fai mai ai ma nisi, e ono avea suesuega nei faasaga i le HelloFresh ma amataga o le suesue atili ai e le malo faiga nei e faia ai subscriptions i Niu Sila.
Puna o Faamatalaga: http://HelloFresh charges: Beware the ‘subscription trap’
