Lagona o le fefe na iai le to’atele sa i totonu o le mall i Glenfield i North Shore i Aukilani anapo ina ua mautala e iai tagata o loo feoa’i ma laau malosi i totonu o le mall.
Na tapunia ai le mall pe lockdown, fepasia’i e sikulati faamatalaga i tagata faatau ma faalafi i nisi o potu tagata na mafai ona lalafi ai ona o le fefefe.
Mai leoleo pe tusa o le itula e 8 anapo na oo ane ai lipoti i le ofisa e iai tagata o loo i le mall faatau a Glenfield o loo faaaupegaina.
Na maua ai e leoleo le to’aono, ma e lē gata na ave e leoleo anapo ae na maua ai foi ma fana meataalo lea e faigata ona iloa o se fana meataalo poo le BB guns.
Ta’ua mai ai foi o lea na faaaupegaina leoleo anapo a o agai ane ai i le mall.
I nisi o lipoti i luga o le Herald anapo, na lagona ai e mātua ma aiga na iai o latou tagata i totonu o le mall i lea taimi le popole ina ua mautala ma o nisi na toe molimau e fesootai atu o loo faanonofo uma i le potu na lalafi ai.
