E toa 12 ua ave e leoleo mai Queenstown, Wanaka faapea Central Otago, e fesootai ma fefaatauaiga o fualaau faasāina sa faia i luga o le Facebook.

Na faamatalaina e leoleo e le laititi faiga faatau nei na fai, ma o le fefaatauaiga tele lea i Saute o le atunuu.

O nei fualaau faasāina e faapea e faatau mai fafo, faatoa toe faatau ai lea i totonu o le atunuu pe toe lafo foi i atunuu mamao.

Mai le sui o le pulega e faitau masina o iloa ma tulimataia e leoleo fefaatauaiga faasolitulafono nei, ma o le laupepa foi na faaaoga i luga o le Facebook e moomia lou faatalosaga muamua.

E ese mai i fualaau faasāina na maua faatasi ai ma i latou ua ave e leoleo, ae o lea foi na maua mai ai le $10,000 tupe pepa.