O lea o le a tatala faasoloatoa le laina telefoni faapitoa mo le maloloina o le mafaufau.
E 24 itula, 7 aso o le vaiaso lea ua fai mai le Youthline o le a tatala ai pea le Helpline ma o se fesoasoani tele lea mo tupulaga talavou o loo moomia se isi e talanoa iai i mea o loo mamafa ai le mafaufau.
O se tasi lenei o auaunaga na mafai ona fesoasoani i talavou e oo atu i le 15,000 i totonu o le tausaga ua alu, peitai na faafaigata mo i latou e moomia i taimi o le po ona e lei mafai ona avanoa faasoloatoa.
O le laina telefoni lenei a le Youthline e faia ai ana saili seleni i le tausaga e sue le $1.4 miliona e faaauau ai pea, peitai o se fiafiaga tele le fesoasoani mai o le ASB lea o le a o latou faatupeina le ola ai o le laina telefoni i le po.
I molimau mai a i latou o loo fesoasoani i talavou o loo sulu atu mo se fesoasoani, o le toatele o talavou o loo talanoa iai ua mafaufau e pule i le ola, self-harm poo le toe taumafai lava lea o le tagata lava ia e faaoomanu’a ia te ia lava faapea ai ma talavou o loo sauaina.
