E lua ni vaalele a le vaega o vaaleletau a Niu Sila, RNZAF NH90 ua lipotia mai nei le ausia ai o matāti’a i tulaga o le mamao e lele ai vaalele poo le vaega ua ta’ua i le gagana peretania o le “over-water flight record” e pei ona maua ai le 2840 kilomita mai le nofoaga tutotonu (Royal Australian Air Force) Barse Amberley i Ausetalia aga’i mai i le nofoaga tutotonu i Aukilani, i totonu o le 2 aso.
I se pepa o faamatalaga mai Air Force a Niu Sila, na faamanino ai o lenei mamao e tutusa lelei ma le mamao e alu ai le vaalele la’upasese mai Aukilani nei aga’i atu i Samoa.
Ua faamaonia ai foi le tata’e ai e le NH90 o le matati’a tuai e 453 maila tautai pe tusa ma le 838.9 kilomita e pei ona faatūina i le masina o Aokuso, i le va o Cairns, Ausetalia ma Port Moresby i Papua Kiu Kini.
Puna o Faamatalaga: https://nzdf.mil.nz/media-centre/news/rnzaf-helicopters-break-another-flight-record-on-journey-from-australia/
