O loo mana’o le pPalemia o Ausetalia, Anthony Albanese ia faia vave se faatatau i lipoti ua maua i le vaiaso nei e faatatau i le BHP, le kamupani Maina aupito i tele i Ausetalia ma lipoti ua agiga ua faasā lē tumau ona o latou toe aveina atu le iron ore i Saina.
Na faia lea faamatalaga a le alii Ppalemia a o agiga ai lipoti ia mai le Bloomberg News e faapea o le auaunaga e faagaioia e le malo i Saina, le China Mineral Resources Group ua o latou una’ia local mills ia taofi lē tumau le toe faatauina atu o le iron ore mai le kamupani a le BHP.
O le iron ore o minerale mai maamaa e mafai ona gaosia mai ai le uamea.
Fai mai la le Palemia o loo iai lona popolega i lipoti nei ma o loo fia faamautinoa o loo sologa lelei maketi ma o tulaga foi ia sa vaaia i nisi taimi ua tuana’i.
Ta’ua e Albanese e na te fia vaai o faagasolo e aunoa ma se faaletonu le faatauina o le iron ore i Saina ma e ui e tula’i mai tulaga faapea i lea taimi ma lea taimi ae talosia e lē umi ae toe sologa lelei ma ia vave aveesea le sā o loo feta’ua’ina mai i le aveina atu o le iron ore i Saina.
O loo tālia le fonotaga a le teutupe o le atunuu, Jim Chalmers ma le sui o le BHP e faamautū ai le tulaga o ia lipoti.
Puna o Faamatalaga: https://www.9news.com.au/national/china-bans-bhp-iron-ore-shipments/15758d04-98db-4d6a-9d0c-045924e3907c
