E to’alua ni tamaiti ua maliliu faatasi ma se tama’ita’i i se afi na sasao ane i le fale sa iai i Gladstone i Kuiniselani.
Fai mai lipoti a le 9News o le vaveao ananafi na sasao ane ai le afi lea ma faalogoina ai le tauvalaau ane o se tama’ita’i mo se fesoasoani.
E mae’a ane ona tapē le afi ae maua e le vaega o le tineimu tino maliliu o nai tamaiti e to’alua ma si tama’ita’i lea i lena nofoaga.
Ua faamaonia e le pulenuu o lea faaitu i le ‘aufaasalalau o tamaiti e to’alua sa fai le la sleepover ma o se tulaga faanoanoa tele lenei faalavelave aemaise e iloatele foi e tagata si aiga.
O loo faia su’esu’ega i le māfua’aga o le afi ae o loo ta’ua le leoina foi e leoleo o se tasi o fale i le faaitu lava lea ma ua faamaonia e iai sootaga o lea gaioiga i le faalavelave e pei ona lipotia.
Puna o Faamatalaga: https://www.9news.com.au/national/gladstone-house-fire-tragedy-woman-two-boys-killed-in-sleepover-mayor-reveals/2175e6d7-b676-41ea-b582-81a9077fda5c
