E iai nisi faiga fou ua faalauiloa e le malo o Ausetalia mo tagata sulufa’i i Papua Niu Kini ae ua faaigoa e nisi o ni faasalaga oti.

O le maliega ua faia nei a Canberra ma Port Moresby ua aveesea ai fale maua fua faapea taumafa ma togafitiga tau le soifua mālōlōina mai asylum seekers.

O tagata sulufa’i ia sa tuuina i se nofoaga faasala e Ausetalia i le 10 tausaga talu ai ma ua faailoa e le pati a le Green i Ausetalia o le maliega ua faia nei ua fosi ai tagata sulufa’i e to’a 60 mai Port Moresby e nonofo i ni tulaga mativa ma le tagolima.

O le popolega o nisi ailoga a mafai ona lavasa’ia e le to’atele o tagata sulufa’i lea tuutuuga fou ma o se tasi lenei o faiga faavae aupito lē manuia ua faia a le malo ma ua atagia ai le tuulafoa’ia e Ausetalia o asylum seekers.

O le 2016 na fai ai le faai’uga a le Faamasinoga Maualuga i PNG o le taofia o tagata sulufa’i i le motu e solitulafono ma ua oia ai le faavae o le atunuu.

Puna o Faamatalaga: https://www.rnz.co.nz/international/pacific-news/537052/australia-slammed-over-new-refugee-measure