Ua matua’i lē fiafia nisi sui sinia o le faigāmalo a Ausetalia i faamatalaga sa fai a le sui faipule o Lidia Thorpe na faia i le faai’uga o le vaiaso e faapea ua tatau ona susunu le Fale o le Palemene.
O ia faamatalaga na ia faia i le savali sa faia i Melepone a i latou e lagolagoina Palesitina.
Saunoa ai le Minisita o Galuega, Amanda Rishworth e matuā lē taliaina ia ituaiga faamatalaga ma o loo fia vaai tagata i le faamutaina o vevesi o loo tula’i mai i Sasae Tutotonu ma e lē mana’omia ona oo mai i Ausetalia.
E lagolago e le Minisita o Matāupu Faalotoifale, Tony Burke lea manatu, fai mai a ia e lua lava mea o loo manana’o iai tagata Ausetalia, ina ia taofia le fasiotia o tagata ma ia aua ne’i oo mai lea ituaiga vevesi i Ausetalia.
E tele isi finagalo faaalia i luga o upega tafa’ilagi ua faitioina ai faamatalaga a le Faipule lea o Lidia Thorpe, fai mai isi ua lē tatau ona toe faipule se tagata na te faia ia ituaiga lafoga faapea.
Puna o Faamatalaga: https://www.9news.com.au/national/lidia-thorpe-burn-down-parliament-comments-politicians-respond/eaa98e2a-74d5-4d3e-b68a-2d664b8bb43a
