E to’atolu alii ua faasalaina nei i le falepuipui ina ua faamaonia moliaga e faatatau i fualaau faasāina na sa’e ai ma se vaa taugatā i gataifale o Western Australia.
Fai mai le 9News o le to’atolu lea na maua i le 2023 ina ua sa’e le vaa na malaga ane ai sa la’u iai i luga le silia ma le 300kilo o le cocaine ina ua sou le sami e lata i Albany.
O i latou uma ia e mai Ausetalia i Sisifo, e 38, 47 ma le 51 tausaga le matutua ma sa lauina ai o latou i’uga i le Faamasinoga Faaitumalo i Perth.
O le 51 tausaga e 12 tausaga ma le 3 masina le faasalaga i le falepuipui; o le 47 tausaga e 8 tausaga, ma le 38 tausaga e 9 tausaga ma le 3 masina e nofosala ai i le falepuipui.
Ua ta’ua i le lipoti pe ā ma le 100 miliona le tupe e maua pe a faataunuuina le uta tele o le cocaine sa maua.
Puna o Faamatalaga: https://www.9news.com.au/national/drugsmuggling-trio-jailed-after-capsizing-cruiser-with-100-million-haul/86705c88-9885-40b9-a465-51a7b17313f6
